Sonntag,17.2.08
alle gesund und munter ankegkommen
Juppiiii, mer sind endich wieder uf em Bonistock.
Hüt am Morge hemmer üüs am 10:00 Uhr vor em Hasi troffe. De Herr Ernst het üüs alles erchlärt und gluegt öb all da sind. Denn isch s endlich los gange, das Mal simmer 87 Chind gsi, darum hemmer müsse mit zwei Car fahre. Nachere amüsante und luute Fahrt simer i de Stöckalp acho. Vo det us hemer müse mit mehrerne Sässelilift uf de Bonistock fahre. Det hemer de Lunch im Ufenthaltsrum gässe, nacher simer go vorfahre fürd Gruppeiteilig. Das isch eher lang gange d Snowboarder sind zersch drahcho.
Die einte hend nachem Vorfahre s Gepäck us de Gondle gholt. Dänn händ mer Zit gha zum eus iirichte. I dä chline Zimmer häts es riese puff gäh!
Mer händ zum teil no zimlich lang müssä ufs Gepäck warte.
Nachem iirume häts Znacht gäh. Feini Gmüessuppe und en hammer Salat, zur Vorspies und Pommes mit Wienerli als Hauptgang und es Glace zum Tesser. Nachher hämmmer en Video zum Skifahre glueget. Spöter ischs wieder lut worde, nämlch bim Spieli spiele.
Die meischte sind scho im Näscht aber mir schriebed für Eu no en Lagerbricht.
Es grüessed alli uf em Bonistock und de Bricht händ gschriebe d' Tatjana, d' Nina, d' Svenja und d' Kim
Hier noch die Bilder des Tages
Film 1. Tag
